⚡ საპროექტო არეალი მდებარეობს ქ.ქუთაისში, ბალახვნის ისტორიულ უბანში სწორედ ამ უბანს უკავშირდება, პირველი მრავალსართულიანი ბინის მშენებლობა ქუთაისში, რომელიც 1937 წელს უბნის ცენტრალურ ნაწილში აშენდა.

ინსპირაციის წყარო სწორედ მისი უნიკალური მდებარეობა გახდა.შენობა მდინარე რიონის სანაპირო ზოლშია მოქცეული. საპროექტო ტერიტორიის სპეციფიკიდან გამომდინარე, არქიტექტორის მთავარ მიზანს წარმოადგენდა გარემოსთან ჰარმონიული, მყუდრო და კომფორტული საცხოვრებლის შექმნა.

შენობა წარმოადგენს ოთხ სართულიან მრავალბინიან საცხოვრებელ სახლს, რომლიც ფასადი ორ ერთმანეთისაგან განსხვავებულ სტილშია გადაწყვეტილი-გარკვეული ნაწილი ეკლარის ქვით, ნაწილი კი აგურის მასალითაა მოპირკეთებული,

სწორედ აღნიშნულით არის განპირობებული საპროექტო ნაგებობის საინტერესო ფორმა, რომელიც იძლევა საშუალებას ვიტრაჟული ფანჯრებიდან ყველა ბინას ჰქონდეს განუმეორებელი ხედი მდინარე რიონსა და ბაგრატის საკათედრო ტაძარზე.

ქალაქში არსებული ლიმიტირებული საავტომობილო სადგომებიდან გამომდინარე, რომლის პრობლემაც განსაკუთრებით მწვავედ დგას მრავალბინიანი საცხოვრებელი სახლების შემთხვევაში პროექტით გათვალისწინებულია დახურული ავტოსადგომების მოწყობა,როგორც მიწისქვეშა ისე მიწისპირა სართულებზე.