თანამედროვე საცხოვრებელი კორპუსის პროექტირება ქუთაისში, ავტოქარხნის უბანში, ჩვენი გუნდის ახალი, საინტერესო გამოწვავა იყო, რაც გამომდინარეობდა პირველი მსხვილმასშტაბიანი დეველოპერული მშენებლობით ქალაქის უდიდეს უბანში.
სტრატეგიული მდებარეობა, ურბანული განახლების საჭიროება, ინფრასტრუქტურის გაუმჯობესების შესაძლებლობა, ეკონომიკური პროგრესის სტიმული და მდგრადი ურბანული განვითარება ჩვენი ამოსავალი წერტილი იყო შენობის სივრცეში განთავსებისთვის. უბანში არაერთი ამორტიზებული შენობა-ნაგებობა გვხვდება, რაც აჩენდა საჭიროებას ახალი, უსაფრთხო და ენერგოეფექტური შენობის გეგმარებისა, რაც უბნის განახლებას შეუწყობდა ხელს და გააუმჯობესებდა მის საერთო იმიჯს. 10 სართულიან შენობაში საცხოვრებელი და საზოგადოებრივი ფუნქციის მქონე სივრცეებია დაგეგმარებული. მისი კომპოზიტური გადაწყვეტა ეკოლოგიურად სუფთა მასალებითა და ენერგოეფექტური სტანდარტებით განისაზღვრა, რაც უბანს აძლევს განვითარების თანამედროვე მიმართულებას. შენობის ორ ბლოკად წარმოდგენილი ნაწილები იმეორებს მიმდებარედ არსებული 9 სართულიანი და 16 სართულიანი საცხოვრებლების გეომეტრიულ ფორმებს და უფრო კომპლექსური, ნაკლებად მონოტონური გადაწყვეტით გვესახება, რაც სათავეს დაუდებს მიკროუბნის ერთიანი არქიტექტურული განვითარების ხედვას.
აღწერა
შენობა: 15 817 კვ.მ
საცხოვრებელი ფართი: 9 685 კვ.მ
სართულების რაოდენობა 10
კომერციული: 1 101 კვ.მ
ავტოსადგომების რაოდენობა 85
საზაფხულო ფართი: 2 383 კვ.მ
პროგრამა: მრავალბინიანი საცხოვრებელი სახლი
3D ვიზუალი: ვეფხვია მხეიძე
მისამართი
ქუთაისი, საქართველო
წელი
2025
