საპროექტო არეალი მდებარეობს ქალაქ ქუთაისში, ბიხაიძის ქუჩის მაღალი ინტენსივობის საცხოვრებელი და ადმინისტრაციული ზონის მიჯნაზე, ლოკაციიდან გამომდინარე შენობა-ნაგებობას გააჩნია უნიკალური შესაძლებლობები, იმისათვის რომ მასში მცხოვრებ ადამიანებს მოუტანოს კეთილდღეობა, დააკავშიროს ისინი ქალაქის ადმინისტრაციულ ზონასთან, საჯარო და სავაჭრო სივრცეებთან, სკოლებთან, ბაღებთან, სამედიცინო და სხვადასხვა ფუნქციის მქონე დაწესებულებებთან ფეხით სავალ მანძილზე.

ურბანულ გარემოში ბინის დიზაინის კონცეფციის შემუშავების პროცესი მოითხოვდა კომპლექსურ მიდგომას ტერიტორიის სოციალური, კულტურული, ეკოლოგიური და ეკონომიკური კონტექსტების გათვალისწინებით. გვსურდა, რომ შედეგი ყოფილიყო ეფექტური, კომფორტული, ადაპტირებადი და ქალაქის ქსოვილში ინტეგრირებული, ვინაიდან ეს ბალანსი შექმნის არა მხოლოდ ფუნქციურ საცხოვრისს, არამედ ადგილს, რომელიც აძლიერებს მისი მაცხოვრებლებისა  და უფრო ფართო ურბანული საზოგადოების კეთილდღეობას. შენობა-ნაგებობა გადანაწილდაორ ბლოკად, გათვალისწინებულ იქნა  ისეთი ფაქტორები, როგორიცაა ფუნქციური ზონირება, სატრანსპორტო სისტემა, მიმდებარე ტერიტორიის ინფრასტრუქტურა და სარეკრეაციო ზონების ფორმირება-ფუნქციონალური და მდგრადი განვითარების შესაქმნელად. შენობის ორივე ბლოკი განსხვავებული კონტურებით, ერთი მათგანი მარტივი ფორმითაა წარმოდგენილი, თუმცა კონტრასტი გვხვდება მოსაპირკეთებელ მასალაში,ფერში, გამომსახველობაში, ერთის მხრივ ხის თბილი აქცენტებით და მეორეს მხრივ ცივი ნაწრთობი მინის დეტალებით. მეორე ბლოკი შედარებით აგრესიული/წამახვილებული ფორმით გამოირჩევა, ფასადის რაციონალური სურათი საგულდაგულოდ არის შემუშავებული ადმინისტრაციული ზონის მიმართულებით უმცირეს დეტალებამდე, სრული მინის ფასადი და მის წინ მძრავი ვერტიკალური ცხაურები, რომლებიც მზისგან დაცვის გონივრული საშუალებაა, არქიტექტურული ჩრდილების შექმნის ხელშეწყობის პარალელურად. ორივე ბლოკი, თავიანთი ხასიათით, გამოყენებული მასალით, ფერებით, დინამიკითა და ექსპრესიით ჰარმონიულად ეწერება არსებული განაშენიანების სურათში.