პროექტის კონცეფცია

პროექტი მდებარეობს ქუთაისის ადმინისტრაციულ ცენტრში, საქმიან ზონაში, მაღალი ინტენსივობის მქონე ქუჩისა და გამზირის კვეთაზე. მისი კონცეფცია ეფუძნება თანამედროვე ურბანული დაგეგმარების პრინციპებს, რომლებიც არა მხოლოდ შენობის ფუნქციურობას უზრუნველყოფს, არამედ ქმნის საზოგადოებრივი ცხოვრების გაძლიერებულ სივრცეს. არქიტექტურულ გადაწყვეტას საფუძვლად უდევს სურვილი, რომ შენობა არა მხოლოდ მის მაცხოვრებლებს ემსახუროს, არამედ პოზიტიური გავლენა მოახდინოს გარემოზე.

ფუნქციური დაგეგმარება

მრავალფუნქციური კომპლექსი პასუხობს მაღალი საზოგადოებრივი ინტერესების მოთხოვნებს. შენობაში კომერციული, ადმინისტრაციული, საცხოვრებელი და აპარტამენტების ზონები ერთ სივრცეშია ინტეგრირებული. ორი მიწისზედა სართული დაკავებულია თანამედროვე სავაჭრო ცენტრის ფუნქციით, რომელშიცგანთავსდება რამდენიმე ბრენდული მაღაზია, ორდონიანი ავტოსადგომი, რომელიც მოიცავს ერთმიწისქვეშა და ერთ მიწისზედა ავტოსადგომს, რომელთგან მიწისზედა ავტოსადგომი 2024 წლის მდგომარეობით ერთადერთია ქალაქში, გრუნტის ზედაპირიდან 8 მეტრის სიმაღლეზე განთავსებისთვალსაზრისით. საცხოვრებელი სივრცეები უზრუნველყოფილია 4 გასასვლელი გზა -კიბით, 2 ერთეული ლიფტით, მისაწვდომობის ეროვნული სტანდარტის მქონე სადარბაზოთი, ინსოლაციისნორმების დაცვით დაგეგმარებული საცხოვრებელი ბინებით.

Placemaking – ურბანული სივრცის განვითარების ახალი მიდგომა

Placemaking-ის პრინციპების გათვალისწინებით, პროექტი პასუხობს გარემოსა და ადგილობრივი საზოგადოების უნიკალურ ისტორიასა და გარემომცველ კონტექსტს. არქიტექტურული გადაწყვეტები, როგორიცაა ბეტონის, ტერაკოტასა და მეტალის პანელების გამოყენება, ერთდროულად ინარჩუნებს ქალაქის ინდუსტრიულ მემკვიდრეობას და თანამედროვე ესთეტიკას, არის გამძლე, მარტივი და შესაფერისი მზარდი უბნისთვის. ქუთაისის ეს ახალი მრავალფუნქციური კომპლექსი არა მხოლოდ საცხოვრებელი სივრცეა, არამედ ქალაქის ურბანული განვითარების თანამედროვე მაგალითია.